​ಜಗತ್ತಿನ ರಾಜಕೀಯ ನಕ್ಷೆ ಹಾಗೂ ಅಧಿಕಾರದ ಕೇಂದ್ರಗಳು ವೇಗವಾಗಿ ಪಲ್ಲಟಗೊಳ್ಳುತ್ತಿವೆ. ಎರಡನೇ ಮಹಾಯುದ್ಧದ ನಂತರ ಜಗತ್ತನ್ನು ಆಳುತ್ತಿದ್ದ ಪಾಶ್ಚಿಮಾತ್ಯ ಶಕ್ತಿಗಳ ಹಿಡಿತ ಸಡಿಲಗೊಳ್ಳುತ್ತಿರುವ ಮಹತ್ವದ ಘಟ್ಟದಲ್ಲಿ, ಬಹುಧ್ರುವೀಯ ಜಗತ್ತಿನ (ಒuಟಣiಠಿoಟಚಿಡಿ Woಡಿಟಜ) ಪ್ರಬಲ ಧ್ವನಿಯಾಗಿ ಹೊರಹೊಮ್ಮಿರುವ 'ಬ್ರಿಕ್ಸ್' (ಃಖIಅS) ಶೃಂಗಸಭೆಗೆ ಭಾರತ ಆತಿಥ್ಯ ವಹಿಸುತ್ತಿರುವುದು ಜಾಗತಿಕ ಮಟ್ಟದಲ್ಲಿ ತೀವ್ರ ಕುತೂಹಲ ಮೂಡಿಸಿದೆ. ರಷ್ಯಾ-ಉಕ್ರೇನ್ ನಡುವಿನ ದೀರ್ಘಕಾಲಿಕ ಯುದ್ಧ, ಪಶ್ಚಿಮ ಏಷ್ಯಾದಲ್ಲಿನ ಉದ್ವಿಗ್ನತೆ ಹಾಗೂ ಇಂಧನ ಪೂರೈಕೆಯ ವ್ಯತ್ಯಯಗಳಂತಹ ಸಂಕೀರ್ಣ ಸವಾಲುಗಳ ನಡುವೆ ಸಮ್ಮೇಳನ ಆಯೋಜನೆಯಾಗುತ್ತಿದೆ. 'ಸ್ಥಿತಿಸ್ಥಾಪಕತ್ವ, ನಾವೀನ್ಯತೆ, ಸಹಕಾರ ಹಾಗೂ ಸುಸ್ಥಿರತೆ' (ಖesiಟieಟಿಛಿe, Iಟಿಟಿovಚಿಣioಟಿ, ಅooಠಿeಡಿಚಿಣioಟಿ, ಚಿಟಿಜ Susಣಚಿiಟಿಚಿbiಟiಣಥಿ) ಎಂಬ ಪ್ರಧಾನ ಧ್ಯೇಯವಾಕ್ಯದಡಿ ನಡೆಯುತ್ತಿರುವ ಪ್ರಸ್ತುತ ಶೃಂಗಸಭೆ ಭವಿಷ್ಯದ ರಾಜಕಾರಣದ ದಿಕ್ಸೂಚಿಯನ್ನು ನಿರ್ಧರಿಸುವ ವೇದಿಕೆಯಾಗಿ ಮಾರ್ಪಡಲಿದೆ. ​ಪಾಶ್ಚಿಮಾತ್ಯ ಪಾರಮ್ಯಕ್ಕೆ ಪರ್ಯಾಯ ಶಕ್ತಿಯ ಉದಯ : ​ದಶಕಗಳ ಕಾಲ ಅಮೆರಿಕ ಹಾಗೂ ಯುರೋಪಿಯನ್ ದೇಶಗಳು ಜಾಗತಿಕ ಆರ್ಥಿಕತೆಯ ನಿಯಮಗಳನ್ನು ತಮ್ಮ ಅನುಕೂಲಕ್ಕೆ ತಕ್ಕಂತೆ ರೂಪಿಸುತ್ತಿದ್ದವು. ವಿಶ್ವಸಂಸ್ಥೆ, ವಿಶ್ವಬ್ಯಾಂಕ್‌ನAತಹ ಸಂಸ್ಥೆಗಳಲ್ಲಿ ಪಾಶ್ಚಿಮಾತ್ಯರದ್ದೇ ಮೇಲುಗೈ. ಅಂತಹ ಏಕಸ್ವಾಮ್ಯಕ್ಕೆ ಪ್ರತಿಯಾಗಿ ಬ್ರೆಜಿಲ್, ರಷ್ಯಾ, ಭಾರತ, ಚೀನಾ ಹಾಗೂ ದಕ್ಷಿಣ ಆಫ್ರಿಕಾ ಸೇರಿ ಹುಟ್ಟುಹಾಕಿದ ಒಕ್ಕೂಟ ಇತ್ತೀಚೆಗೆ ಅಪಾರ ಬಲ ವೃದ್ಧಿಸಿಕೊಂಡಿದೆ. ಹೊಸದಾಗಿ ಈಜಿಪ್ಟ್, ಇಥಿಯೋಪಿಯಾ, ಇರಾನ್, ಸೌದಿ ಅರೇಬಿಯಾ, ಯುಎಇ ಹಾಗೂ ಇಂಡೋನೇಷ್ಯಾ ದೇಶಗಳ ಸೇರ್ಪಡೆಯೊಂದಿಗೆ ೧೧ ಸದಸ್ಯ ರಾಷ್ಟ್ರಗಳನ್ನು ಹೊಂದಿರುವ ವಿಸ್ತರಿತ 'ಬ್ರಿಕ್ಸ್' ಪ್ರಬಲ ಪರ್ಯಾಯ ಆರ್ಥಿಕ ಶಕ್ತಿಯಾಗಿ ಬೆಳೆದು ನಿಂತಿದೆ. ​ಹೊಸ ಅಭಿವೃದ್ಧಿ ಬ್ಯಾಂಕ್ (ಓಆಃ) ಮೂಲಕ ಮೂಲಸೌಕರ್ಯಗಳಿಗೆ ಹಣಕಾಸು ಒದಗಿಸುವ ಹಾಗೂ ಅಮೆರಿಕದ 'ಡಾಲರ್' ಮೇಲಿನ ಅವಲಂಬನೆ ತಗ್ಗಿಸಿ ಸ್ಥಳೀಯ ಕರೆನ್ಸಿಗಳಲ್ಲಿ ವಹಿವಾಟು ನಡೆಸುವ ಒಕ್ಕೂಟದ ನಿರ್ಧಾರ ಜಾಗತಿಕ ಆರ್ಥಿಕ ವ್ಯವಸ್ಥೆಯಲ್ಲಿ ಸಂಚಲನ ಸೃಷ್ಟಿಸಿದೆ. ಜಾಗತಿಕ ಜಿಡಿಪಿ ಹಾಗೂ ಜನಸಂಖ್ಯೆಯ ಬೃಹತ್ ಪಾಲನ್ನು ಹೊಂದಿರುವ ಒಕ್ಕೂಟವು, ಅಭಿವೃದ್ಧಿಶೀಲ ರಾಷ್ಟ್ರಗಳ ಧ್ವನಿಯಾಗಿ ಉ-೭ ಒಕ್ಕೂಟಕ್ಕೆ ಸಮರ್ಥ ಪೈಪೋಟಿ ನೀಡುತ್ತಿದೆ. ​'ಗ್ಲೋಬಲ್ ಸೌತ್' ನಾಯಕನಾಗಿ ಭಾರತದ ಉನ್ನತಿ : ​ಕಳೆದ ವರ್ಷದ ಉ-೨೦ ಶೃಂಗಸಭೆಯಲ್ಲಿ ದೆಹಲಿ ಘೋಷಣೆಯ ಮೂಲಕ ಜಾಗತಿಕ ಒಮ್ಮತ ಮೂಡಿಸುವಲ್ಲಿ ಯಶಸ್ವಿಯಾದ ಭಾರತ, ಇದೀಗ ಬ್ರಿಕ್ಸ್ ವೇದಿಕೆಯಲ್ಲೂ ಅದೇ ವಿಶ್ವಾಸದೊಂದಿಗೆ ಮುನ್ನಡೆಯುತ್ತಿದೆ. ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆಯಾಗಿರುವ ಭಾರತ, ಜಾಗತಿಕ ಆರ್ಥಿಕ ಆಘಾತಗಳನ್ನು ಅತ್ಯಂತ ಸಮರ್ಥವಾಗಿ ಎದುರಿಸುವ ಶಕ್ತಿ ಹೊಂದಿದೆ ಎಂಬುದನ್ನು ಜಗತ್ತು ಒಪ್ಪಿಕೊಂಡಿದೆ. ಬೃಹತ್ ಯುವಶಕ್ತಿ, ಉತ್ಪಾದನಾ ಸಾಮರ್ಥ್ಯ ಹಾಗೂ ಭೌಗೋಳಿಕ ಅನುಕೂಲಗಳನ್ನು ಬಳಸಿಕೊಂಡು ಆಫ್ರಿಕಾ ಹಾಗೂ ಲ್ಯಾಟಿನ್ ಅಮೆರಿಕದ ರಾಷ್ಟ್ರಗಳ ಜೊತೆ ಪರಸ್ಪರ ಲಾಭದಾಯಕ (Wiಟಿ-Wiಟಿ) ಸಂಬAಧಗಳನ್ನು ಬೆಳೆಸುವಲ್ಲಿ ನವದೆಹಲಿ ಪ್ರಮುಖ ಪಾತ್ರ ವಹಿಸುತ್ತಿದೆ. ಸಣ್ಣ ರಾಷ್ಟ್ರಗಳ ಅಗತ್ಯಗಳನ್ನು ಜಾಗತಿಕ ವೇದಿಕೆಯಲ್ಲಿ ಪ್ರಬಲವಾಗಿ ಮಂಡಿಸುವ ಮೂಲಕ 'ಗ್ಲೋಬಲ್ ಸೌತ್'ನ ಪ್ರಶ್ನಾತೀತ ನಾಯಕನಾಗಿ ಭಾರತ ಹೊರಹೊಮ್ಮುತ್ತಿದೆ. ​ಆರ್ಥಿಕತೆಯಾಚೆಗಿನ ಸಹಕಾರ: ಶಿಕ್ಷಣ ಹಾಗೂ ಸಂಸ್ಕೃತಿ : ​ಶೃಂಗಸಭೆಯ ಪೂರ್ವಭಾವಿಯಾಗಿ ಭುವನೇಶ್ವರದಲ್ಲಿ ನಡೆದ ಶಿಕ್ಷಣ ಸಚಿವರ ಸಭೆ ಹಾಗೂ ಭೋಪಾಲ್‌ನಲ್ಲಿ ನಡೆದ ಸಾಂಸ್ಕೃತಿಕ ಕಾರ್ಯಪಡೆಯ ಸಭೆಗಳು ಒಕ್ಕೂಟದ ಬಹುಮುಖಿ ದೃಷ್ಟಿಕೋನವನ್ನು ಅನಾವರಣಗೊಳಿಸಿವೆ. ಸದಸ್ಯ ರಾಷ್ಟ್ರಗಳ ನಡುವೆ ಪ್ರಾಥಮಿಕ ಶಿಕ್ಷಣ, ಕೌಶಲ್ಯಾಭಿವೃದ್ಧಿ, ಸಂಶೋಧನೆ ಹಾಗೂ ತಂತ್ರಜ್ಞಾನ ವಿನಿಮಯಕ್ಕೆ ಹೆಚ್ಚಿನ ಒತ್ತು ನೀಡಲಾಗುತ್ತಿದೆ. ಡಿಜಿಟಲ್ ಮೂಲಸೌಕರ್ಯಗಳ (ಆigiಣಚಿಟ Pubಟiಛಿ Iಟಿಜಿಡಿಚಿsಣಡಿuಛಿಣuಡಿe) ಹಂಚಿಕೆಯ ಮೂಲಕ ಸದಸ್ಯ ರಾಷ್ಟ್ರಗಳ ಸಬಲೀಕರಣಕ್ಕೆ ಯೋಜನೆ ರೂಪಿಸಲಾಗುತ್ತಿದೆ. ಪರಂಪರೆಯ ಸಂರಕ್ಷಣೆ, ಪ್ರವಾಸೋದ್ಯಮದ ಅಭಿವೃದ್ಧಿ ಹಾಗೂ ಜನರ ನಡುವಿನ ಸಾಂಸ್ಕೃತಿಕ ಬಾಂಧವ್ಯ (Peoಠಿಟe-ಣo-ಠಿeoಠಿಟe ಛಿoಟಿಟಿeಛಿಣ) ವೃದ್ಧಿಸುವ ಮೂಲಕ ಭವಿಷ್ಯದ ದೃಢವಾದ ವ್ಯೂಹಾತ್ಮಕ ಪಾಲುದಾರಿಕೆಗೆ ಭದ್ರ ಬುನಾದಿ ಹಾಕಲಾಗುತ್ತಿದೆ. ​ಸವಾಲುಗಳ ನಡುವೆ ಸಮತೋಲನದ ರಾಜಕಾರಣ: ​ವೇದಿಕೆಯಲ್ಲಿನ ಭಾರತದ ಪಯಣ ಅತ್ಯಂತ ಸೂಕ್ಷ್ಮವಾದದ್ದು. ಗಡಿಯಲ್ಲಿ ಚೀನಾದೊಂದಿಗೆ ಘರ್ಷಣೆಗಳಿದ್ದಾಗ್ಯೂ, ಜಾಗತಿಕ ವೇದಿಕೆಯಲ್ಲಿ ಅದೇ ದೇಶದೊಂದಿಗೆ ಕುಳಿತು ಬಹುಪಕ್ಷೀಯ ಹಿತಾಸಕ್ತಿಗಳ ಬಗ್ಗೆ ಚರ್ಚಿಸುವುದು ಪ್ರಬುದ್ಧ ರಾಜತಾಂತ್ರಿಕತೆಗೆ ಸಾಕ್ಷಿಯಾಗಿದೆ. ವ್ಯಾಪಾರದಲ್ಲಿ ಸಹಕರಿಸುತ್ತಲೇ, ರಾಷ್ಟ್ರೀಯ ಭದ್ರತೆಯ ವಿಷಯದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದ ಸ್ಪಷ್ಟ ನಿಲುವನ್ನು ಭಾರತ ಪ್ರದರ್ಶಿಸುತ್ತಿದೆ. ​ಮತ್ತೊಂದೆಡೆ, ಉಕ್ರೇನ್ ಯುದ್ಧದ ಹಿನ್ನೆಲೆಯಲ್ಲಿ ಪಾಶ್ಚಿಮಾತ್ಯ ರಾಷ್ಟ್ರಗಳು ರಷ್ಯಾವನ್ನು ಆರ್ಥಿಕವಾಗಿ ಏಕಾಂಗಿ ಮಾಡಲು ನಿರಂತರ ಪ್ರಯತ್ನ ನಡೆಸುತ್ತಿವೆ. ಅಂತಹ ಒತ್ತಡಗಳ ನಡುವೆಯೂ, ಐತಿಹಾಸಿಕ ಮಿತ್ರ ರಷ್ಯಾದೊಂದಿಗೆ ಗಟ್ಟಿ ಸಂಬAಧ ಉಳಿಸಿಕೊಳ್ಳುವಲ್ಲಿ ನವದೆಹಲಿ ಯಶಸ್ವಿಯಾಗಿದೆ. ಒಂದೆಡೆ 'ಕ್ವಾಡ್' ವೇದಿಕೆಯ ಮೂಲಕ ಅಮೆರಿಕದೊಂದಿಗೆ ರಕ್ಷಣಾ ಒಪ್ಪಂದ, ಮತ್ತೊಂದೆಡೆ 'ಬ್ರಿಕ್ಸ್' ಮೂಲಕ ರಷ್ಯಾ-ಚೀನಾ ಜೊತೆ ಆರ್ಥಿಕ ಸಹಕಾರ ಕಾಪಾಡಿಕೊಳ್ಳುವ ಬಹು-ಜೋಡಣಾ (ಒuಟಣi-ಚಿಟigಟಿmeಟಿಣ) ನೀತಿಯನ್ನು ಅತ್ಯಂತ ಚಾಕಚಕ್ಯತೆಯಿಂದ ನಿಭಾಯಿಸಲಾಗುತ್ತಿದೆ. ​ಭಾರತದಲ್ಲಿ ನಡೆಯುತ್ತಿರುವ ಶೃಂಗಸಭೆಯು ಹೊಸ ವಿಶ್ವ ಕ್ರಮಾಂಕವನ್ನು (ಓeತಿ Woಡಿಟಜ ಔಡಿಜeಡಿ) ರೂಪಿಸುವ ಹೆಜ್ಜೆಯಾಗಿದೆ. ಪಾಶ್ಚಿಮಾತ್ಯರ ಪ್ರಭಾವ ವಲಯದಿಂದ ಹೊರಬಂದು, ಮುಕ್ತ ಹಾಗೂ ಸ್ವಾಭಿಮಾನಿ ವಿದೇಶಾಂಗ ನೀತಿಯನ್ನು ಅಳವಡಿಸಿಕೊಳ್ಳುತ್ತಿರುವ ಭಾರತದ ನಡೆ ಸಮಸ್ತ ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಮಾದರಿಯಾಗಿದೆ. ಪರಸ್ಪರ ಸಹಕಾರ, ತಂತ್ರಜ್ಞಾನ ವಿನಿಮಯ ಹಾಗೂ ಶಾಂತಿಯುತ ಸಹಬಾಳ್ವೆಯ ಮೂಲಕ ಜಾಗತಿಕ ಸವಾಲುಗಳಿಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಭಾರತದ ನಾಯಕತ್ವ ಅಪಾರ ಭರವಸೆ ಮೂಡಿಸಿದೆ. ಭವಿಷ್ಯದ ಬಹುಧ್ರುವೀಯ ಜಗತ್ತಿನ ಸಮತೋಲನ ಕಾಯ್ದುಕೊಳ್ಳುವಲ್ಲಿ ಪ್ರಸ್ತುತ ಸಮ್ಮೇಳನ ಬಹುದೊಡ್ಡ ಮೈಲುಗಲ್ಲಾಗುವುದು ನಿಶ್ಚಿತ.